BSD yubatse amashuli ya Miliyoni 55 mu murenge wa Kabacuzi

Mu rwego rwo gukomeza kongera ingufu mu bikorwa by’uburezi no gufasha abana bato bo murenge wa Kabacuzi mu Karere ka Muhanga  kwigira hafi y’imiryango yabo, ubuyobozi bw’’ibiro mbonezamubano mu iterambere (Bureau Social de Développement) buratangaza ko mu ntangiriro z’uyu mwaka w’amashuri w’2014 buzaba bwujuje ibymba 6 by’amashuri bizigirwamo b’abana bavunikaga bigira kure inyuma y’imisozi. 

Ibyumba by'amashuri 6

 Iri shuri ryubatswe ku nkunga y’ikigega cyitiriwe nyakwigendera Margrit Fuchs wamamaye  mu bikorwa by’urukundo, uburezi n’ubufasha mu iterambere mu karere ka Muhanga cyo mu Busuwisi (Fondation Margit FUCHS) ubwo umuyobozi w’iki kigega mu gihugu cy’ubusuwisi yagiriraga uruzinduko mu Rwanda  mu kwezi kwa cumi uyu mwaka asura ibikorwa byabo mu Rwanda.

Umuyobozi w'ikigega cyitiriwe Margrit Fuchs mu Rwanda Musonera Frédéric

Asobanura impamvu y’iyubakwa ry’aya mashuri, uhagarariye ikigega cyitiriwe Margrit Fuchs mu Rwanda, Musonera Frédéric yavuze ko byavuye ku bushishozi bwo kuba hari abana biga kure mu bushishozi bwa madamu  Regula Gloor  , ubwo yasobanurirwaga n’ubuyobozi bw’akarere ka Muhanga zimwe mu mbogamizi abana bahura nazo bajya kwiga aho hari na bamwe mu bacika ishuri kubera   kujya kwiga kure.

Musonera ati: “ ibi byose biri mu byateye kubaka iri shuri rizuzura ritwaye arenga miliyoni 55 z’amafaranga y’u Rwanda kandi yatanzwe n’abagiraneza nyuma yo gusaba ubuyobozi ikibanza cyo kubakamo ishuli kuko bizafasha benshi by’umwihariko hashimangirwa ireme ry’uburezi kuri bose no gushimangira gahunda za leta z’uko umwana yiga hafi y’ishuri”.

Ibi kandi byishimirwa n’ababyeyi  bemeye gufatanya na BSD batanga umuganda wabo mu gufasha kubaka iri shuri nko mu bikorwa by’umuganda. Semanyenzi Athanase avuga ko umusanzu we ari ugufasha kubaka vuba kuko abana be hari uwamucitse akava mu ishuri kubera kwiga kure akajya gukorera amafaranga mu mujyi nyamara ngo abo asigaranye yifuza ko bakwiga hafi bikabatera umuhate wo kwiga kuko nta mvune z’urugendo.

Amashuli azuzura atwaye miliyoni 55 z'amafranga y'u Rwanda

Iri shuri ry’ibyumba 6, inzu izakorerwamo n’ubuyobozi bw’ishuri ndetse n’ubwiherero 6 biteganijwe bizigirwamo ubwo hazatangira amashuri mu mwaka utaha ku wa 5 Mutarama 2014, mbere gato ko bazarimurikira ubuyobozi bw’Akarere ka Muhanga kazafasha gucunga imikorere n’imikoreshereze yaryo.

Mwihatire kugira icyerekezo bityo ntimwiringire guhora mu bufasha - BSD

Mu gukomeza gukurikirana no kugira inama abanyeshuri biga mu mashuri yisumbuye  basaga b’abacyene 840 bafashwa n’ibiro mbonezamubano mu iterambere (Bureau Social de Développement) barihirwa amafaranga y’ishuri no kwisuzuma mu buryo bw’imyigire n’imyitwarire yabo, no gufatira hamwe ingamba z’umwaka w’amashuri w’2014 biyemeje kurushaho kwitwara neza bizatuma bisubiza agaciro k’ubuzima bubategereje.

Abanyeshuri bahabwa ubufasha  na BSD

 Muri ibi biganiro byafashaga no kumenyana  no gusangira ubuzima, abanyeshuri basabwe kwita ku masomo yabo bakiga bagamije kugira icyo bageraho no kwitwararika igituma bakwandagara cyangwa cyabatsikiza mu buzima bategereje aha hatanzwe ingero ku bana b’abakobwa bakwitwaza amikoro make bigatuma bashukwa bakajyanwa mu ngeso mbi nk’ubusambanyi n’izindi.

Bwana Prudence Karamira nk’Umunyamabanga Nshingwabikorwa wa BSD, yavuze ko icy'ibanze ari umusaruro n’imyitwarire myiza kuko ariryo pfundo ry’ubuzima bwiza nyamara ariko binyuze mu nkingi y’uburezi.

Umunyamabanga Nshingwabikorwa wa BSD Prudence Karamira

 Aha Karamira agira ati : « mwitoze gukora mushishikaye, mwihatire kugira icyerekezo bityo ntimwiringire guhora mu bufasha ahubwo muharanire kuva mu buzima murimo mushaka ubwiza bwa buri munsi bityo muzafashe gufasha abandi bari mu bibazo nk’ibyo mwikuyemo».

Mu kwerekana ko badahatirizwa ahubwo bazi icyo basabwa n’akamaro kacyo bamwe mu banyeshuli nka Kubwimana Hodali na Umukesha Evase bavuga ko  gushimira umufasha wabo mu buryo bw’uburezi  biyemeje kubinyuza mu  gutsinda  bakerekana umusaruro ushimishije uruta uwo basabwa w’amanota 65% kuko bo bivugira ko batayaziritsweho ahubwo bo bazahora ari intarushwa n’imparanirashema mu gutsinda.

Umukesha ati : « twiyise intarushwa kuko tutabwirizwa gutsinda, tugomba gutsinda tugaharanira kujya imbere mu mvugo tubwirwa tuyisanishe n’ingiro dutsinda».

Abanyeshuri bafasha na BSD mu matsinda

Uretse ubufasha bw’amafaranga y’ishuri bahabwaga, Ibiro mbonezamubano mu iterambere (BSD) bibagenerwa n’ubwisungane mu buzima 840 mu gihe abagera kuri 345 bo batitabiriye iri huriro ry’abafashwa na BSD  kuko bari mu itorero.

Dusangire

1. Waba wibuka uyu mubyeyi?
2. Waba hari icyo ufite umwibukiraho?
3. Hari icyo waba usigasira yakoze?
4. Wumva ibyo yakoze byabungwabungwa gute?

Ni byiza ko igitekerezo cyawe cyanyura mu buryo bwa comment cyangwa email zacu
bureausocialdedeveloppement@gmail.com/ pkaramira@gmail.com


Imana ikongerere umugisha

BSD mu iterambere ry'abatishoboye

Karamira  Prudence, Umunyamabanga Nshingwabikorwa wa Bureau Social  de Développement 

Umunyamabanga Nshingwabikorwa w’ Ibiro Mbonezamubano by’Iterambere  (Bureau Social  de Développement) Bwana Karamira  Prudence arasaba  ubuyobozi bw’Umurenge wa Shyogwe  ko bwakora ibarura ry’abana b’impfubyi bibana kugira ngo na bo bitabweho, dore ko nabyo biri  muri gahunda yayo yo kwita ku bana bakomoka mu miryango ikennye cyane, aho babishyurira amafaranga y’ishuri, kuva mu cyiciro  rusange  kugeza mu mashuri yisumbuye.

 Bamwe mu bagore bahawe inka

Ibi bikaba biri mu byagarutsweho mu muhango wo kuremera abagore batishoboye bo mu Murenge wa Shyogwe, aho   yagaragaje ko kuri ubu batangiye kwita no ku miryango aba bana bakomokamo, kugira ngo bafashe umuryango wose gutera imbere mu buryo bw’ubukungu, aho yasabye aba babyeyi bahawe inka ko bazitaho kugira ngo nizororoka na bo bazoroze indi miryango  itishoboye.

Inyana z’amashashi zahawe abagore batishoboye

Kuri ibi kandi  ubuyobozi bw’Akarere ka Muhanga, bugaragaza intera umufatanyabikorwa BSD agejeje ku baturage aboroza,  dore ko kuva mu ntangiriro z’uyu mwaka wa 2013 ibiro mbonezamubano by’iterambere mu karere ka Muhanga imaze gutanga inka  zirenga 200 ku  imiryango itishoboye, naho inka zatanzwe  kuri uyu wa gatanu taliki ya 18/10/2013  zikaba zatanzwe mu murenge wa Shyogwe unateganya koroza abaturage 100 muri uyu mwaka w’ingengo y’imari  ya 2013-2014.

Kwiga imyuga basanga ariyo nzira iganisha ku iterambere

Kimwe n’undi wese wavuga ibigwi by’icyo akora akarata intambwe yateye kubera icyo akora binyuze mu mwuga akora, yatojwe cyangwa umutunze, n’urubyiruko rufashwa  kwiga imyuga n’umuryango Bureau Social de Developpement, ruremeza ko nyuma yo kurangiza amashuli y’imyuga rwasanze imyuga ariyo nzira ya mbere iganisha ku iterambere rirambye.

Ibi n’ibigarukwaho n’abize bakanakora umwuga wo guteka binyuze ku bufasha bw’uyu muryango nka Zaninka Monique, wemeza ko muri byinshi bize byatumye bahindura ubuzima bwabo cyane cyane nk’aho bamwe mubo biganye nawe baganiraga basaga n’abataye icyizere cy’ubuzima buri imbere.

 Kuri Zaninka asanga hari byinshi kuri ubu byahindutse aho ahera ko uretse kuba yashaka akazi keza nawe ubwe ashobora kwihangira akatuma atanga akazi bityo nawe agatanga umusanzu ku bandi nyamara byose bivuye ku kuba yaritoje umwuga.

Mu buhamya bwuwo twakwita musaza we Ufitumukiza Natanael  w’imyaka 26 wacikirije amashuli mu mwaka wa 5 w’abanza  nyuma yo gufasha kwigishwa ubukanishi bw’amamodoka kuri uyu munsi akaba yitunze mu buzima bwe bwose mu mujyi wa Muhanga.

Yagize ati :“Ku ruhande rwanjye nasaba Minisiteri ifite mu nshingano zayo uburezi gushyiraho  amashuli y’imyuga muri buri murenge. Hari igihe usanga abanyeshuri biga muri aya  mashuri babona ibiraka mu biruhuko, bamwe bakiyishyurira amafaranga y’ishuri.” 

 Abivuga akurikije kandi ubuhamya n’isomo yigishije abandi ryo kwitinyuka kuko igisebo yise icyambere ni ukwisuzugura.

Bagaruka ku mpamvu zo kuba bigisha urubyiruko imyuga nicyo babitezemo nk’umusaruro, Umukozi wa Bureau Social de Developpement ushinzwe Amashuli y’imyuga Gasana Jean Damascene, yavuze ko bakurikije isoko ry’umurimo rishaka abo bigisha bahamya ko hari intego yagezeho, aha ariko akavuga ko bagifite imbogamizi ku bana benshi bifuza kwiga amasomo yabo ariko ugasanga bidakunda ku mpamvu zitandukanye nubwo igishingirwaho ari kimwe nko kuba umwana ari mfubyi kandi aba no mu muryango udafite ubushobozi ariko hakiyongeraho nawe kuba nawe ubwe yiyumvamo ubushobozi cyane cyane mu myumvire.

Asoza avuga ko ubumenyi butangirwa mu mashuli y’imyuga  ari nk’urufunguzo rw’iterambere ku mwana wese ubyiga, cyane cyane kuri benshi bagiye bacikiriza amashuli imburagihe ku mpamvu zitandukanye z’ubuzima.

Bureau Social de Développement mu gusura ibikorwa itangamo ubufasha

Nkuko biri muri gahunda y’ibikorwa by’umuryango Bureau Social de Développement ufasha abakennye n’imfubyi uboroza inka kandi hakurikiwa gahunda ya leta yo kororera mu bikumba cyane cyane mu Karere ka Muhanga hagaragara nka hamwe mu byitabiriwe kandi byishimirwa

Ibi n’ibigaragarira ahororerwa mu birarorusange  nko mu murenge wa Kabacuzi, aho usanga abagabiwe inka kuri ubu bitaye ku nka zabo dore ko  bazitegerejemo byinshi birimo nk’ifumbire yamaze no kubageraho mu gihe biteguye n’izizabyara  ku girango boroze abo bafatanyije kandi  bikazahura n’ubuzima bwabo.

Zimwe mu nka zatanzwe na BSD mu murenge wa Kabacuzi/Muhanga

Ibi kandi bishimangirwa n’abagenerwabikorwa borojwe izi nka Gashemeza Damas wo muri uyu murenge mu Kagari ka Kabuye  na Mukankusi Violette  wo mu kagari ka Kibyimba bavuga ko inka borojwe bazitezeho ubukungu n’iterambere, dore ko bivugira ko muri iki gihe ufite inka atabura mituweli, yizigama kuko iyo agurishije nk’amata yizigama ndetse akaba atasa nabi kuko yikesha muri byose.

Kuri ibi byose ariko ngo ku ruhare rwa buri wese, Umunyamabanga Nshingwabikorwa w’umurenge wa Kabacuzi Rurangwa  Laurent, agaraza ko bishimiye impinduka nziza n’abaturage   bihamiriza, kandi ko ibishoboka byafasha umuturage mu iterambere byose bimuteguriwe, dore ko ku bagera kuri 52 bagezweho muri iyi gahunda bari mu cyerekezo cy’amizero y’u Rwanda rwifuza.

Prudence Karamira wa BSD hamwe n'Umunyamabanga Nshingwabikorwa
w’umurenge wa Kabacuzi Rurangwa Laurent

Aha  kandi mu izina rya Bureau Social de Développement umunyamabanga Nshingwabikorwa  wayo Karamira Prudence avuga ko bazakomeza gukurikirana abagenerwabikorwa babo  babafasha mu bushobozi kandi bushingiye ku guhindura imyumvire.

Gahunda y'inyunganizi y’ifunguro rifite intungamubiri rihabwa abana bari hagati y’imyaka 3 na 11 mu karere ka Muhanga

Nyuma yaho hagaragariye bamwe mu karere ka Muhanga barangwaho n’ikibazo  cy’imirire mibi bivuye mu bushobozi buke bw’imiryango yabo hamwe na hamwe ugasanga ni uburangare bukomeye bw’ababyeyi cyangwa amakimbirane ahora mu miryango bityo bigatera ingaruka zikomeye ku mikurire y’umwana ndetse akaba ashobora no kudindizwa mu ishuri ku mpamvu zo kudakurikiranwa.

Dr Rwakunda aha bamwe mu bana ifunguro mbere yo kujya kwiga

Muri urwo rwego  ubuyobozi bw’ikigo mbonezamubano mu iterambere ( Bureau Social de Développement) buragaragaza ko mu gukemura iki kibazo buri gufatanya n’ababyeyi ku  nyunganizi y’ifunguro rifite intungamubiri rihabwa  abana bari hagati y’imyaka 3 na 11, ku bafatanye n’imiryango yabo barifatira hamwe mbere yo kujya kwiga.

 Ibi bizafasha umwana akurikiranwe mu mikurire, nta hangayike mu mirire byoroshye no gutsinda bitagoranye kuko ahorana ibyiringiro n’akanyamuneza kibanze, ndetse bigafasha kutiheba cyane ku bana b’imfubyi cyangwa abatagira kirera, cyane nko ku  ngero ziboneka mu kutamenya aho   usanga benshi bahingira isoko ugasanga ifunguro bararigize inyama, nyamara za mboga cyangwa amagi bagurisha byagafashije ababakomokaho bagikeneye gukura, ubukene butabaye urwitwazo.

Byongereye imikuri kuko bongererwa intungamubiri mu mafunguro bafata

Mu buhamya bwe  Mukabutera Miriam wo mu kagari ka Ruli mu murenge wa Shyogwe mu karere ka Muhanga akaba afite abana 2 bari muri iyi gahunda agaragaza ko hari byinshi  bungutse dore ko bahinduye imyumvire, mu kugaburira abana indyo yuzuye no guhera kubyo babona hafi kandi nabo ubwabo byaborohera kubona ndetse bakishimira ko bifasha, bikanorohereza abana babo dore ko ifunguro barifata mbera yo kujya kwiga.

Nk'umukozi w'uyu muryango ukuriye ishami rishinzwe imfubyi, Madame Bertilde Uzamukunda avuga ko kuri ubu uretse kuba mu bikorwa byabo habonekamo kwita ku mibereho banigisha ababyeyi kudategereza gufasha ahubwo bakanabigisha gutegura ifunguro ryujuje ibisabwa kandi ryuje intungamubiri biboneka naho batuye.

Mu karere ka Muhanga, gahunda y'inyunganizi y’ifunguro rifite intungamubiri rihabwa  abana b'imfubyi ku bafatanye n’imiryango ibarera bikorerwa mu Mirenge ya Shyogwe na Nyamabuye  ku bana barenga 60.

Umurenge wa Mushishiro urishimira uruhare rwa BSD mu iterambere ryawo

Umurenge wa Mushishiro uri mu mirenge 3 ya mbere mu Karere ka  Muhanga mu kwesa imihigo mu mwaka wa 2012-2013 ndetse ukaba ushishikariza buri wese mu iterambere kuwunganira,  nkuko byagaragarijwe mu munsi w’imurikabikorwa no gusinyana imihigo n’abafatanyabikorwa bawo.

Ibi n’ibishimangirwa n’Umunyamabanga Nshingwabikorwa w’umurenge  wa Mushishiro madame Uwamariya Beatrice  aho asanga hari byinshi byagezweho mu mwaka w’imihigo ushize ndetse bo bahamya ko bazesa iyi mihigo y’uyu mwaka kuko bafite imbaraga zose mu mikorere n’abo bafatanya nkaho agaruka kuri  bimwe mu bikorwa bimirije imbere bahereye ku bibangamye nko gukura imiryango ituye mu manegeka igera kuri 325, kurushaho kunoza imihigo bagenzura ikaye y’umudugudu nk’igisubizo cy’ishyirwa mu bikorwa ryayo hifashishijwe kandi nko  kororera mu biraro rusange (Ibikumba) dore ko kuri ubu  hashimwa uruhare rw’umufatanyabikorwa  Bureau Social de Developpement woroje inka 58 ndetse n’amatungo magufi 100 bizatuma umuturage afumbira ubutaka bikongera umusaruro bifuza.

 

Umunyamabanga Nshingwabikorwa wa BSD Prudence Karamira, ashyikirizwa icyemezo cy'ishimwe

Mu izina rya Bureau Social de Developpement Bwana Prudence Karamira agaragaza  ko nyuma yo koroza abakene inka, bitegura no kuzahura ubuzima bw’abana b’imfubyi, kwita kandi ku myigire yabo,  byose kandi bigashimangirwa no kubungabunga amagara y’abaturage binyuze mu bwisungane mu kwivuza aho bizongera umubare w’ubwitabire bwari bugeze kuri 82%.

Bureau Social de Développement ni Umuryango Nyarwanda utari uwa Leta, ukora ibikorwa bigamije guteza imbere imibereho myiza y’abaturage muri rusange, by’umwihariko abatishoboye, aha twavuga nko kuvana abana mu muhanda bagasubizwa mu miryango yabo, kwita ku bana b’imfubyi, gufasha abana b’abanyeshuri biga mu mashuri yisumbuye b’abacyene ariko b’abahanga no kwigisha urubyiruko imyuga, bigakorwa  kandi  bigamije gufasha imiryango itishoboye kwikura mu bukene binyuze mu koroza iyo miryango amatungo amagufi n’amaremare, no kwigisha gukoresha inguzanyo ntoya ku badafite ubushobozi bwo kugana ibigo by’imari.

VISITE DE LA PRÉSIDENTE DE LA FONDATION Margrit FUCHS de la Suisse

Mercredi le 09 Octobre 2013, la Présidente de la Fondation Margit FUCHS accompagnée de son Représentant au Rwanda, Monsieur MUSONERA Frédéric, se sont dirigés vers le District de Musanze où ils ont rendu visite à l’INES-Ruhengeri.

La journée de Jeudi, le 10 Octobre 2013 a été consacrée au programme des Orphelins, en commençant par une réunion des Chefs des Services qui avait pour but l’échange d’idée sur les stratégies visant le renforcement des interventions du BSD auprès de ces orphelins. 

La dance avec les mamans tutrices des orphelins

Les enfants partage le repas de midi

Quelques familles ont été visitées

Après la réunion,  une visite a été faite sur le site d’encadrement de Kinini dans le Secteur de Shyogwe où les enfants ont accueillis la Présidente avec beaucoup d’enthousiasme et ont partagé en commun le repas de midi avant d’aller chez les unes des ménages de ces orphelins.

VISITE AU RWANDA DE PRESIDENTE DE LA FONDATION MARGRIT FUCHS MADAME REGULA GLOOR

Au  premier jour, Lundi le 07 Octobre, Mme Regula a participé dans la réunion de travail qui se tient chaque lundi et qui rassemble les Chefs de Services du BSD. Dans cette réunion, elle a été mise au courant du déploiement des projets exécutés par le BSD sous le financement de  la Fondation Margrit FUCHS.

Le Président du C.A. du BSD,  La Présidente de la Fondation Margrit Fuchs, 

le Représentant de la Fondation au Rwanda  et le staff du BSD

 Dans l’après midi, avant de rencontrer tous les membres du personnel, la Présidente de la Fondation Margrit FUCHS s’est entretenu avec le Dr RWAKUNDA Dominique, Président du Conseil d’Administration du BSD.

•  Le jour suivant, Mardi le 08 Octobre, Mme Regula a été reçue en audience par le Gouverneur de la Province du Sud, Mr MUNYANTWALI  Alphonse. 

Mr le Gouverneur a remercié la Fondation Margrit FUCHS pour sa contribution inestimable dans les programmes visant le bien-être de la population rwandaise,  en particulier  celle de la Province du Sud.

(A Gauche) Mr. le  Gouverneur de la Province du Sud  et
la Présidente de la Fondation Margrit FUCHS en Suisse

Après cette entrevue, La Présidente de la Fondation Margrit FUCHS a visité l’école primaire de Gihembe qui a été construite par le BSD, sous financement de la Fondation Margrit FUCHS

Les élèves de Buhoro (Ecole Primaire de Gihembe) ont pris la photo de souvenir avec les visiteurs

A Buhoro, la Présidente de la Fondation  était en compagnie de :

-    Vice Maire du District de Kamonyi chargée des affaires sociales,  Madame UWERA Alice,

-    Président du Conseil d’Administration du BSD, Dr RWAKUNDA Dominique,

-    Représentant de la Fondation Margrit FUCHS au Rwanda, Monsieur MUSONERA Frédéric,

-    Secrétaire Exécutif du BSD, Monsieur KARAMIRA Prudence,

-    Secrétaire Exécutif du Secteur de Musambira et ses collaborateurs.

Madame Uwera Alice, Vice maire du District Kamonyi chargées des affaires sociales
avec Regula GLOOR, Présidente de la Fondation des ouevres de Margrit Fuchs de la Suisse

La Présidente de la Fondation  reçoit un cadeau de la part de l'école

• Dans l’après midi de ce mardi, Mme Regula GLOOR en compagnie de Madame MUTAKWASUKU Yvonne, Maire du District de Muhanga, de Monsieur UHAGAZE François, Vice Maire chargé des affaires économiques, de Monsieur MUSONERA Frédéric, Représentant de la Fondation Margrit FUCHS au Rwanda et de Monsieur KARAMIRA Prudence, Secrétaire Exécutif du BSD,  sont rendu dans le Secteur de Kabacuzi  pour participer à l’activité d’octroi de vaches aux familles sans bétail, qui ont construit une étable commune dans la cellule Buramba où vont être élever les vaches.

De retour, les membres de l’équipe sont passés par une des étables communes du Secteur Mushishiro dans la Cellule de Munazi, où le BSD avait donné 12 vaches.

Photos Margrit Fuchs

WE GIVE A COW FOR IMPROVING THEIR MISERABLE LIFE

Mr Fredrick Musonera

The Administrator Delegated of the Margrit FUCHS Foundation in Rwanda Mr Fredrick Musonera says  that they give cows to the poor families but who are able to care and feed them. That a very poor person given a cow experiences changes in social welfare and even economically getting from one social stratification class to another. 

“This only shows that if we keep on supporting Girinka Program, we can eradicate poverty among the people"